4264/2024-2025

Dated Kolasib the 15th February 2025: Nizan khan Mizo Zaimi Inzawmkhawm pawl, Kolasib chuan an pawl din champha Rising day vawi 35 na TNT Kolasibah an hmang a. He hunah hian Pu Lalfamkima, Deputy Speaker , Mizoram Legislative Assembly chuan Khuallian niin a hmanpui a, Kolasib District chhunga MZI members leh zaithiam te hnen atangin thusawi leh zai ngaihthlak a ni.

He hunah hian Khuallian chuan MZI chu amah ngei pawh a lo tel ve tawh thinna a ni tih sawiin zaimi te tana pawl pawimawh tak a ni, a ti. MZI ina TNT Kolasib ah hun an buatsaih mai piahlama tanpuina an pe te chu an fakawm takzet a ni, a ti a, an pawl hmasawn zel theihna turin duhsakna hlan nghal bawk a ni.

Khuallian chuan rimawi thiamte chu mibik anni a ti a. Amaherawhchu hmasawn zel turin leh hlawhtling pui tur chuan mahni in control theih a pawimawh takzet a, anmahni an inhneh a, an in thunun theih chuan music chu kalsualna ah hmang lovin hlawhtlinna sang tak thlen theitu a ni thei a ni, a ti.

MZI Kolasib secretry, Pu VL hmangaihzuala'n report tawi pe in MZI Kolasib chu 1990 ah din a nih tawh thu a sawi a. Rising day nizana an lawm hi a vawi 35 na niin heng hun chhung hian zaimite hmasawnna mai bakah mi harsate tan , a pawl angin thilpek te leh charity concert hmang te in an lo luanchhuah thin thu a sawi bawk. Nizan a TNT a an hun hmanna ahhian MZI aiawhin tanpuina pawisa fai TNT Kolasib hnenah an hlan bawk a ni.