4263/2024-2025

Aizawl, 15.2.2025: Social Welfare & Tribal Affairs Director leh a hnuai office hrang hrang Officer leh Staff te, Department of Ayush a doctor te leh Mizoram Psychological Association te chuan nimin February ni 14, 2025 khan ruihhlongai enkawlna hmun pathum Synod Hospital-a K-Ward te, Synod Rescue Home te leh Agape Home, Durtlangah te ‘Valentine’s Day’ pualin luanchhuahna hun an hmang a. Free Clinic leh ei tur te sem a ni.

He hunah hian Dr. Lalhriatzuali Ralte, Director, SW&TA chuan fuihna hun hmangin enkawl mekte tana hriattur thu a sawi a, eiturte semin an mamawha an lo hman tur sum fai hlan an ni bawk.

Synod Rescue Home leh Agape Home, Durtlangah hian Doctor rual kalkhawm chuan Free Clinic te neiin a thlawnin damdawi thahnem tak an sem a. Mizoram Psychological Association (MPA) lamin enkawl mekte kawmin Counselling mi engemaw zat hnenah an pe bawk a ni.

Ruihhlongai enkawlna hmun an tlawh zawhah hian Naupang enkawlna hmun Abundant Life Home, Durtlang an tlawh leh a. Naupangte nen hun hmang hovin eitur te sem a ni.