4262/2024-2025

Khawzawl, dated 14th February 2025: Vawiin khan Khawzawl District Level Beautification Committee chu an Chairman DC Pu K. Vanlalthiana hovin DC Meeting Hall-ah UD&PA buatsaih District Beautification Competition, 2025 neih tura Khawzawl Town inbuatsaih dan thlir hovin meeting an nei.

Chairman Pu K. Vanlalthiana chuan UD&PA-in Mizoram a District Headquarters-te tan a inelna tha tak an buatsaih tur chu lawmawm a tih thu sawiin he inelna hi Khawzawl Town pawhin theihtawp chhuah a lo hmachhawn ngei an tum thu a sawi a, hemi atan hian mawhphurhna chelhtute chu theihtawp chhuah theuh turin a sawm bawk. SDO Sadar Pu Suvigya S. Chandra, IAS chuan District Beautification Competition, 2025 neihdan tur kalhmang PowerPoint Presentation hmangin a sawifiah a, hemi hnu hian kalkhawm ten intihsiakna atana an lo inbuatsaih theihdan kawng hrang hrang an sawi ho a ni.

District Beautification Competition hi UD&PA Department hnuaia buatsaih niin Mizorama District Headquarters-te mawina leh changkanna lam hawia intihsiakna a ni a, tehfung duan sa hrang hrang hmangin inelna hi neih a ni ang.