4261/2024-2025

Saitual the 14th February, 2025 : Vawiin khan Saitual Bawrhsap Dr Lalngura Tlau kaihhruainain DC Conference Room, Saitualah District Level Committee on Centrally Sponsored Scheme Pradhan Mantri Matsya Sampada Yojana(PMSSY) meeting vawi 2-na neih a ni.

He hunah hian PMMSY(CSS) hnuaia kum 2023-2024 chhunga sangha dil siam tanpui dilna 257 lut atangin Construction of New Pond - 35, Backyard Ornamental Fish rearing unit - 1 leh Construction of Fish Kiosks – 2 thlan chhuahte chu pawm a ni. Saitual District tan Construction Of New Pond ah 7 hectare, Backyard Ornamental ah Unit 1 leh Fish Kiosks-ah Unit 2 te allotment hmuh niin New Pond Construction bik atan mi pakhat zelin 0.2 (2000Sq.m)  hectare assistance an dawng thei dawn a ni.

He hunah hian chairman, Dr Lalngura Tlau chuan central scheme hnuaiah mipuite tan hamthatna lo thleng thin chu lawmawm a tih thu sawiin hamthatna dawngtu (benificiary) te pawhin tangkai thei ang berin hmang se, intodelhna kawnga hmasawnna rahbi thar kaina lo thlen se a duh thu a sawi a. Chutihrualin, department lamte pawhin beneficiary hrang hrangte chu uluk lehzual a vil zui turin a chah bawk.

Vawiin thutkhawmah hian Pi Zomuansangi, DFDO (Member Secy), Pi Rebecca Lalbiakngheti, SMS(Fisheries) KVK, Joshikumar Khomgembam, SMS (Fishery), KVK, Line Department hotute bakah DLC member te an tel a ni.