1520/2023-2024

2023 Thlazing ni 15: India ramin zalenna a hmuh champha phak vawi 76-na lawmnaa Lawngtlai District-a Khuallian, Mizoram Legislative Assembly Deputy Speaker Pu H. Biakzaua chuan Central YLA Playground-a Independence Day lawmna hun a hmanpui hnuah vawiin khan Lawngtlai khawpui chhunga damdawi in, jail leh home-ah te Independence Day pualin thilpek a hlan.

Pu H. Biakzaua hian Lawngtlaia damdawi in pathum - District Hospital Lawngtlai, Christian Hospital Lawngtlai leh Lairam Christian Medical Centre & Hospital-ah te, District Jail, Lairam Motherless Home leh Lairam Rescue Centre-ah te ṭanpuina ₹ 5,000/- ṭheuh a hlan a. Ṭanpuina thilpek a hlannaah hian Deputy Speaker hi Lai Autonomous District Council-a executive member, office holder leh MDC-te, Lawngtlai Bawrhsap Pu H. Lalhmingthanga, Lawngtlai SP Pu Lokeshwaran R. leh official-te leh political party hruaitute'n an ṭawiawm a. An tlawh institution-a thuneitu leh thawktute'n an lo dawngsawng a ni.