2838/2026-2027

Kolasib, 27th October, 2026: Vawiin khan DC Conference Hall, Kolasib-ah Bialtu MLA ni bawk Deputy Speaker Pu Lalfamkima kaihhruaiin Kolasib khawpui lun lai a awm, Venglai Bazar sak that dan tur ngaihtuahin thutkhawm pawimawh tak neih a ni. He hunah hian Kolasib bawrhsap Pu H. Dolianbuaia leh Pu Lalrinpuia Varte,Superintendent of Police (SP) te pawh an tel a ni.

Deputy Speaker chuan Kolasib District in hmasawna hmel a hmu zel a, Venglai Bazar chu tha zawk leh changtlung zawk a sak ani tur chu  lawmawm hle a ni tiin, Bazar building sakṭhatna tur ruahmanna chu peihfel thawkhat a ni ta a, hna pawh thawh tan thuai tum a ni a ti. Bazar sak chhung hian hotu lam ten a sa tur contractor te a tam thei ang ber en pui a vil tur in a duh thu a sawi.

Thutkhawmah hian Venglai Bazar thar sak a nih chhunga bazara inpho thinte luah lailawk  tur hmun chungchang te, insawn chhuahna hmuna faina chungchang ruahman dan tur leh a bula traffic kalhmang leh sumo stand awmsa siamrem dan turte uluk taka sawiho a ni.

Venglai bazar sakthat hna hi October 31,2026 inrinni ah bultan tum a ni.

Vawiin thutkhawmah hian, District Local Administration Officer (DLAO), District Urban Development Officer (DUDO), Settlement Officer (Revenue Dept.), Sr. EE (PWD Project Sub-Division), DCIO bakah Joint Village Council President, Kolasib Venglai VC President leh YMA Venglai Branch President te an tel a ni.