Vawiin khan Aizawl East-1 bialtu MLA, Deputy Speaker ni bawk Pu R. Lalrinawma chuan a bial chhunga Tuirial panna kawng chhelai te a hmunah a enfiah. Pu R.Lalrinawma chuan kumin fur ruahtui tla tam leh tla rei chuan kawng ati chhe nasa in, hei bakah hian mimal tui lakna atanga tui luang leh kawng sira tuihawk luankawr inhnawh ping thin chuan kawngpuiah tui tamtak a luan tir avangin,kawngpui dung chu a tlo lo thin ani ati.

Pu R.Lalrinawma chuan kumin fur ruahtui tlak rei avang leh Central Sawrkar atanga kawng thawmthat (re-surfacing) na tura kum 3 dana Mizoram Sawrkar in sum a dawn thin chu tun tumah hian a dawn har avangin Sawrkar chuan kawng chhe lai siamthat hna hi a thawk lawk theilo ani ati. Tunah hian kawngpui siamthat na tur sum chu Sawrkar Laipui atangin dawn ani tawh a, tender pawh chhuah ani tawh thu sawiin, kawngpui chhelai chu a rang thei ang bera siamthat anih tur thu a sawi. Kawng thalo in mipui tana harsatna a thlen chu bial chhung mipuite leh zoram mipui ten lo hrethiam tura ngenin, Sawrkar in kawng thawm that hna hi a tan vat tur thu a sawi bawk ani. Bialtu MLA hi PWD Official ten an tawiawm ani.

Bialtu MLA Pu R.Lalrinawma chuan kangmei vanga a in leh bungraw chantu, Pu Malsawma, Tuirial Airfield hnenah tanpuina Silpauline, Rangva leh cheng 1000/- a hlan nghal ani.