Vawiin khan Aizawl Civil Hospital-a Designated Microscopic Centre (DMC) chu Rogi Kalyan Samiti (RKS) Governing Body Chairman Pu Kannan Gopinathan, IAS, Aizawl DC chuan a hawng a. Hemi rual hian Mizoram State Health Care Society (MSHCS) hnuaia Hepatitis “C” Therapy kalpui leh puitling tan Hepatitis “B” vaccination-te tlangzarh a ni bawk.

Vawiiin hun hi Aizawl Civil Hospital Doctors’ Seminar Room-ah neih niin, Dr. K.L. Remsanga, Medical Superintendent chuan a kaihruai a. Dr. Biakthansangi, CEO, MCHCS leh Dr. Zoramthanga, HOD, Medicine ten report an pe bawk a ni.

Mizoram ah Hepatitis hi voluntary leh replacement blood donors data atanga chhut in Hepatitis C hi 0.92 % (2014-15) leh 1.25% (2015-16) vel a chhut a ni a. India ram Normal Range chu 0-92-2.02% niiin Mizoram chu a sang thawhkhat viau a. In enkawlna atan Rs. 3-6 lakhs vel te a ngaih thin avangin Mizoram State Health Care Society chuan Hepatitis C hi Critical illness list-ah a dah a ni. Hepatitis C damdawi 'Peg interferon' patent a lo tawp khan a damdawi man pawh tlem in a tlawm tan a. Nikum lam atang khan Hepatitis C enkawlna damdawi hmuhchhuah thar (Sofosbuvir, Ledipasvir leh Daclatasvir) te an lo tlawm zel nen tunah chuan inenkawlna senso pawh a ziaawm chho zel a.

A damdawi enkawlna ah hian damdawi chi hrang hrang tam tak a awm lem loh avangin, company nen inremin Hepatitis C hi man tlawm zawka enkawl theih tur dap a ni a, tunah hian Mylan Pharmaceuticals Private Limited, Bangalore chu Open Tender and Competitive bidding process neih hnuah thlan an ni a. District Hospital, Aizawl hian damlo an ngah ber avang leh sawrkar Damdawiin lian ber anih avangin he pilot programme hi kalpui a ni. Private Hospital leh sawrkar Damdawiin dang ah pawh inenkawlna chu a tih theih tho a, damdawi pawh District Hospital Aizawl atangin a lak theih tho ang. Tun anga kan kalpui theih zel chuan Hepatitis C enkawlna atan Health Care pawisa senso chu 8-10% vel a ni thei ang.

Hemi hnuaiah hian Hepatitis C damlo te chuan Thisen test, HCV quantitative 2 leh fICV Genotype 1 a thlawin an test thei ang a (Company turn turin), damdawi thla thum ei a thlawnin an dawng thei ang.