Vawiin chawhma dar 11 khan Lungsen-a Community Hall cum indoor stadium-ah Kuthnathawktute Ni hman a ni a, Pu Joseph Lalhimpuia Parliamentary Secretary chuan khuallian niin he Ni hi a hmanpui.

Pu Joseph Lalhimpuia chuan thusawiin hun hmasa lama Aizawk khawpuia chem tum nena kawngzawh kuthnathawktute puala Ni bik hman a ni ta chu ropui a tih thu leh hnuktitulh thei hial anih thu a sawi a. Pu Mahima chuan Mizoram chhung hmun hrang hrang 40 ah Kut hnathawktute Ni hman anih thu te, sorkar tanpuinaa lo hlawhtling tate hlawhtlin thu ngaihthlak a lo ni ta te chu kut hnathawktute tan ‘change’ a ni a ti a. Kut hnathawktuten Mizoram Budget-ah khawnge kan chanvo tur tih a ngai ta lo a ti bawk. Kawng hrang hranga kuthnathawktuten an thilsiam chhuah an phochhuahna tur Lunglei-ah Emporium sak mek a ni a, hei hi Lunglei leh a chhehvela awm khaw hrang hrangten an chhawr thei dawn a ni a ti bawk. Sorkarin kuthnathawktute hamthatna tur a ngaihtuah zel a, NEDP-ah pawh agriculture link road laihna tur cheng nuai 2600 dah a ni a ti a. Amaherawhchu Sorkarin sum engzat pawh seng se, thawhrimna leh rinawmna kan neih loh chuan hlawhtlinna a awm thei lova,chuvangin sorkarin sum a sen hmang tangkaia thawhrim a ngai a ni a ti bawk.

Lungsen RD Block huamchhunga Kut hnathawktute Ni Lungsen-a hman hi Lungsen BDO Pu Lalchhanhima MCS in a kaihruai a, Lungsen RD block huamchhung khaw hrang hranga kuthnathawktute leh line Department-a thawktute an kalkhawm a, Lungsena kuthnathawktute bakah Phairuangkai, Lungrang, Tuichawng, Lungrang ‘S’ leh Tuisenchhuaha NLUP dawngtuten an hlawhtlin dan te an sawi a, Mizoram sorkar chunga kuthnathawktute an lawm thu an sawi hlawm a ni.