3280/2023-2024

Aizawl 9th January, 2024 : Swadesh Darshan 2.0 hnuaia Destination Management Committee te chu vawiin khan Pi Nazuk Kumar, IAS, Aizawl District Bawrhsap kaihhruainain a Office Chamber-ah thutkhawm a ni.

Meeting-ah hian Destination Management hnuaia hmalakna hrang hrang Marketing and Promotion, Skilling and Capacity Building, IT and Digitization, Investment and PPP (Public Private Partnership) leh Sustainability/Travel for LiFE chungchangte sawiho a ni a. Egis Indian Consulting Engineers Pvt. Ltd. Aizawl te'n Aizawl chhehvela hmun pali Durtlang Sakeikhawthlir, Melthum, Hmuifang leh Samlukhai-ah te zin mite tan Infrastructure hrang hrang siam dan tur ruahmanna an siam dawn a ni.

Swadesh Darshan 2.0 Scheme hi 100% Central funding niin Tourism Industry tihhmasawn nana Sorkarlaipui hmalakna a ni a. A thiltum ber chu Sustainable leh Responsible Tourist Destination siam a ni a. He Scheme hian Plastic Free Tourist Destination leh Homestay Tourism a ngaipawimawh hle dawn a ni.

Meeting-ah hian Tourism tihhmasawn nan Street painting, reels/short video siam, photography bakah best rural tourism village competition buatsaih theih dan tur te sawiho nghal a ni bawk.

Vawiin thutkhawmah hian Jt. Director, LESDE Department, Deputy Director, Tourism Department, Sub-Deputy Commissioner (Planning), Aizawl, Municipal Commissioner, AMC aiawh, SP aiawh, PD, DRDO aiawh, Egis India Consulting Engineers Pvt. Ltd. aiawh, Secretary, Association of Tour Operators bakah President, Mizoram Hotel Owners Association te an tel a ni.