3281/2023-2024

Khawzawl, 9th January 2023: Vawiin khan Khawzawl DC Meeting Hall-ah kum 2024 Republic Day Khawzawla hman dan tur relin thutkhawm neih a ni a. He hunah hian Khawzawl District-a Department hotute leh an aiawhte an tel a, Khawzawl DC Pu K. Lalrohlua chuan inkhawm hi a kaihruai a ni.

Meeting kaihruaitu Pu K. Lalrohlua chuan kalkhawmte lawmna thu sawiin, kumthar chibai a buk a. Sawrkar laipui chuan India ram chu ram hmasawn (Viksit Bharat) a hlan kai tuma theihtawp a chhuah mek thu sawiin, Khawzawl District-ah pawh Mizoram hmundang ang bawkin sawrkar scheme ten a hun takah a dawngtu tur dik tak te kut a thlen ngei theihnan a hmalakna ‘Viksit Bharat Sankalp Yatra’ chu kalpui mek a nih thu a sawi bawk. DC hian kalkhawmte chu kum danga Republic Day hman dan thin tlangpui a hrilh hriat hnuah rorel tan a ni.

Meeting hian Khawzawla Republic Day 2024 lawmna pui ber chu Mualvawm Field ah neih ni se tiin an rel a. Republic Day lawmna programme hi zing dar kua leh a chanve (09:30) ah tan a ni ang a, khuallian atan Khawzawl DC Pu K. Lalrohlua beisei a ni a, Parade Contingent (Armed, Unarmed leh School) te hnen atangin Hnam Puanzar chibai buk a chhang let ang. Mualvawm Field-a hun hman zawh hian DC Bungalow tualah sawm bik te tan VIP’s at Home neih a ni ang.

Khawzawl SP kaihhruaina hnuaiah Parade Contingent te hian January ni 22-24 chhungin practice neih tur a ni a, January ni 25 ah Final Rehearsal neih a ni ang. Republic Day lawmnaah hian Khawzawl khawpui chhunga faina kawnga tithate hnenah lawmman sem a ni ang a, tunhnaia Millionaire Farmer Award dawngtu Pu KB Sangkhumq, Rabung hnenah chawimawina pek ni se tia rel a ni bawk.