3282/2023-2024

Dated Aizawl, the 9th January, 2024: Vawiin khan Chief Minister leh Presbyterian Church of USA aiawhte chuan Mizorama ruihhlo ngaite enkawlna kawngah thawh hona a awm theih leh theih loh chungchang sawihovin CM pisaah an thukhawm a. Chief Minister hi Pi Lalrinpuii, Minister, Social Welfare & Tribal Affairs, Health, etc., leh Lalnghinglova Hmar, Minister of State, Excise & Narcotics ten an tawiawm.

Inkawmnaah hian Presbyterian Church of USA aiawha thute hian tun hnaia Aizawl leh a chhehvela ruihhlo lama harsatna nei an hmuh te leh ruihhlo ngai enkawlna an tlawh theih chinte atanga an thil hmuh dan leh hmalakna awm thei tur nia an ngaihte an sawi a. US lama an kohhran leh mi inphal, sum leh pai thawh thei dap lamah harsatna an neih loh tur thu an sawi rualin, thawklehkhata hmalakna lian tak kalpui nghal mai erawh a harsat deuh theih thu an tarlang a ni.

Thil pawimawh hrang hrang te an sawiho hnuah Chief Minister hian an hmalak theih dan tur ruahmanna mumal nei rang turin a hrilh a, chumi mil chuan hmalak dan tur an sawi zui leh dawn a ni.

Presbyterian Church of USA aiawh hian Rev. Vanlalrosanga Ralte leh a thawhpuite an rawn kal a ni.