644/2025-2026

Champhai, the 29th May, 2025: Vawiin khan District Fisheries Development Office (DFDO), Champhai leh NFDB-Northeast Regional Centre, Guwahati tangkawp chuan Champhaiah sangha dil bawmtu hnimte enkawla hman tangkai dan leh scheme pawimawhte inzirtirna, 'Aquatic weed Management in fish pond & promotion of PMMKSSY, GAIS, NFDP, FIDF, KCC, PMMSY' training an buatsaih.

He hun hi NFDB Guwahati atangin Dr. Dorothy, MS Executive Officer chuan a hmunah telpuiin, Champhai District-a sangha khawitute hnenah sangha dil bawmtu hnim (aquatic weed) pawimawh -Azolla, Wolffia leh Eichhornia (tui dawl) te khawi pun dan bakah chipchiar zawk leh awlsam taka sawngbawl dan zirtirna a pe a. Heng hnimte hi sangha dil bula khawi mai theih a nih thu sawiin, tui tih that nan leh sangha chaw atana sawngbawl dan bakah enkawl dan chungchang a zirtir a ni. 

Heng bakah hian Dr. Dorothy, MS Executive Officer, NFDB Guwahati chuan tunlaia Fisheries Department scheme thar PMMKSSY, GIAS, NFDP, FIDF, PMMSY leh KCC te hmalak dan tur leh an tangkaipui theih dan turte sawifiahin, chiang zawka sangha khawitute'n an lo zir chhunzawm theihna turin hemi chungchang ziahna lehkhabu a sem chhuak nghal a ni.

Thusawitu dang Pi Lalremsangpuii, DFDO Champhai chuan Champhai District-ah sangha chaw duhkhawp hmuh tur a awm thin loh avanga harsatna awm thinte sutkian nan, dil bul hnaia hnim tangkai tak tak awmte sangha chaw atana hman theih dan a zirtir a. Hnim tangkai pathum- Azolla, Wolffia leh Eichhornia (tui dawl) te chu sangha khawina tui tih that nana hman theih a nih thu sawiin, sangha khawitute chu tuikhuah bul vela hnimte sam faia paih mai lova, hmang tangkai zel zawk tum turin a chah a ni.

Vawiin training-ah hian Champhai District chhunga sangha khawitu mi 50 an tel thei a ni.