No.4254/2021-2022

Aizawl, the 12th March 2022: Vawiin chawhma kha Brig Digvijay Singh, SM, DIG of 23 Sector Assam Rifles leh Doctor ten Governor Hari Babu Kambhampati chu Raj Bhavan-ah an kawm a. He hunah hian Assam Rifles, Fortis Group of Hospitals leh Trinity Hospital, Aizawl tangkawp ten March 10 atanga Champhai khawpuia an kalpui Lunglam natna tan bika Health Camp, "Heart Health Camp" chungchang te an sawipui a ni.


Governor Hari Babu Kambhampati chuan Lunglam hriselna chu ngaih pawimawh a tul thu te, amah ngei pawh lungna avang harsatna lo tawk tawh a ni thu te a sawi a. Mizoram chhunga a vawikhatna atana hetiang lam, natna khirh deuh enkawl dan chungchanga Assam Rifles leh damdawi lam thiam te tangkawpin an buatsaih chu a lawmawm tak zet a ni a ti.

Champhai leh District dangah te damdawiin tha a la awm tlem hle a, a bikin lung natna enkawlnaah phei chuan Damdawiin tha Mizoramah a la awm loh thu te a sawi a. Hetiang kara lung natna vei ten an nunna hlu tak chhanhim a nih theih dan kawhhmuhna hun leh inentirna hun buatsaih a ni chu a hlawkthlak hle a ni a ti. Assam Rifles leh a thawpui Doctor thiam rual te chu thingtlang hmun hrang hrangah te Civil Action programme of Assam Rifles kaltlanga Health Camp tam zawk buatsaih chhunzawm turin a chah a ni.

Governor bulah hian Heart Health Camp chungchang te, a hlawk thlak an tih thu te Dr Vivek Jawli, Lunglam Doctor thiam chungchuang tak,  Cardiothoracic and Vascular Surgeon leh a thawhpui Doctor te chuan an sawi a ni.

Attachment

  • Loading attachment...