Mizoram Police hotu lu ber DGP Pu Thianghlima Pachuau, IPS chuan vawiin khan Aizawl District S.P. Office a tlawh a. Pu C. Laldina, IPS, S.P. Aizawl chuan Aizawl District Police-te dinhmun leh hnathawh dan tlangpui report pe in, an harsatna tawh mekte chu DGP hnenah hian a lo thlen  a ni.

Pu Thianghlima Pachuau, IPS chuan Police ten an mamawh leh harsatna  an thlen-te ngun taka ngaithlain, Officer kalkhawmte hnenah chuan Aizawl District Police-te chu Mizoram Police hmel tilangtu an nih avangin, hnathawhna-ah hawihhawm leh dik taka hnathawk tura chahin hnuchhuina kawngah taimakna, huaisenna leh dik taka thawk turin a fuih. Dan leh thupek kenkawhna kawngah pawh mipuite thlamuang taka an awm theih nan tan la sauh sauh tur leh ruih theih thilah te fihlima Police  hmai ti baltu ni loturin a chah.

DGP hi Pu Zorammawia IPS, IGP leh Pu L.T. Hrangchala IPS, DIG (NR) ten an tawiawm a ni.