Vawiin chawhnu khan Pu Joseph Lalhimpuia, Parliamentary Secretary i/c Industries, etc chuan a department chan hnuaia District Industries Centre(DIC) Office, Lunglei a tlawh.

General Manager, DIC Lunglei Pi R.Lalrodingi kaihhruaih inkhawmna hun tawi neihah Pu Joseph Lalhimpuia chuan thusawiin Industries Department Officer leh staff te nen thawhhona tha tak nei a, a bik takin Handloom hi a taka eizawnna tha tak a nih avangin quality tha siamchhuah a nih theih nan theihtawp chhuah turin a chah. Lunglei Ramthar Veng-ah Handloom Cluster mi 90 vel training theihna tur siam tum a ni a; NLUP 3rd & 4th Phase pawh reiloteah sem tum a ni a ti bawk. Industries Department hi mipuiin tangkaipui se a duh thu sawiin Pu Joseph Lalhimpuia chuan thawktuten an hnathawh chhungin hlawhltinna (achievement) pakhat tal neih theuh turin a duhsakna a hlan. Ama enkawl tho Geology & Mining Dept. pawhin lei hnuai hausakna haichhuah kawngah chak takin hma a la mek a, Trade & Commerce hnuaiah Tlabung Border Trade hmalakna turin Central Sorkar thurawn angin thil tihfel ngaite bawhzui mek a ni, a ti bawk a.

DIC Lunglei thawktuten an mamawh leh harsatna hrang hrang an thlen chu theih ang tawka a bawhzui sak a tum thu Pu Joseph Lalhimpuia chuan a hrilh bawk a ni.