Indian Army atan Sipai Lak Runpui neih thin a ni a, tunhnai ah khan ruahmanna thar siam a ni a. Sipai lakna ‘Open Rally System’ a kalpui thin chu ‘On-line Registration Application Based System’ a thlak a ni. He ruahmanna thar tlangpui chu a hnuai ami ang hi a ni.

1. Sipai lakna a intlar tum mi tupawhin email id an neih vek a ngai a.

2. Intlar tum leh dil tum reng reng chuan Indian Army website www.joinindianarmy.nic.in ah engtik lai pawhin an inziaklut(register) thei a.(Hei hi tih vat a tha)

3. Sipai Lak Runpui neih ni tur, ni 60 hmain, inziaklut tawh diltu chuan ‘online application’ a thehluh a ngai a. Online a form fill-up hi ni 45 chhung hawn a ni ang a, Intlar ni tuk, ni 15 hmain online application hi khar a ni ang.

4. Hemi hnu hian diltu in Admit Card chu on-line in a print chhuak thei ang a.

5. Admit Card ah hian Physical Test, Physical Measurement leh Medical Test tihna tur ni, hun leh hmun ruat tarlan a ni ang. Hemi hnu hian a tling chho zel ten Written Test an hmachhawn leh a ngai a.Written Test an neih ni tur chu Physical Test an neih ni ah emaw, online emaw in hriattir an ni ang.

6. Written Test paltlang, merit list a lang te chu an lehkha pawimawh(document) zawng zawng endik anih hnu chauhin Sipai atan lak an ni ang.

A tira inziahluh (registration) tih laia user ID leh password hmangin a hnua online application hi fill-up a ngaih avangin hemi thil pahnih hi vawng tha turin dil tum te hriattir an ni. Hriatthiam loh nei leh chiang zawka thu zawtfiah tur neite chuan Army Recruiting Office, Zemabawk (Phone 0389-2351166) an dawr thei reng a ni.

Mizorama thalaite tan Aizawl ah Recruitment Rally hi January ni 20 – 24, 2016 khian buatsaih a ni dawn a. Hemi atana online application hi November ni 22, 2015 atangin January ni 6, 2016 hun chhungin thehluh a ngai.