2531/2026-2027

Dated Aizawl, the 6^th October, 2026: Vawiin khan Aizawl atanga Ekta Nagar, Gujarat thlenga kal tur Mizoram Police Motorcycle Rally Team chu Pu Sharad Agarwal, IPS, Director General of Police, Mizoram chuan PHQ Aizawl atangin a vailiam (flag-off). He Rally hi India Sorkar, Ministry of Home Affairs thupêk angin, Rashtriya Ekta Diwas Parade, “Ruihhlo Do” (Fight Against Drugs) thupui hmanga buatsaih a ni.

Member 8 (pariat) awmna Rally Team hi Team Leader Pu Jeremia Vanlalhmachhuana, MPS, SDPO, Khawzawl chuan a hruai dawn a, bike khalh tu mi 5 (panga) leh a puibawm tu (support staff) mi 2 (pahnih) te an tel bawk a ni.

Aizawl atanga Ekta Nagar, Gujarat thlen nan hian kilometre 2,900 vel an tlan dawn a. An kal kawngah hian zirna inah drugs chungchang inzirtirna (awareness program) an buatsaih thin dawn a ni. 

Guwahati, Assam-ah North-East state dang Rally Team nen inhmu khawmin, chuta tang chuan Ekta Nagar, Gujarat panin an kal ho ang a. October ni 31, 2026-a Sardar Vallabhbhai Patel pianchampha (birth anniversary) a lo thlen hunah Rashtriya Ekta Diwas Parade-ah an tel ve dawn a ni.