2530/2026-2027

Lawngtlai, the 6th October, 2026 : Vawiin chawhnu dar 1:00 PM khan DC Conference Hall- ah Pu Donny Lalruatsanga kaihhruaiin Lawngtlai District chhunga 'Enforcement of Law and Order' review meeting neih a ni.

Pu Donny Lalruatsanga chuan kalkhawmte hnena lawmthu sawina a nei hmasa a. Ram leh khawthlang a lo hima, mipuite ralmuang taka an awm theihna turin Dan leh thupek kenkawh kawngah theihtawp chhuah zel a tul tak zet a ni, a ti a. Tun atanga inkhuahkhirhna tha taka kalpui a nih loh chuan nakin zelah hmasawnna lo thleng mek vanga Lawngtlai district tan harsatna lian zawk thleng thei a ni tiin, Dan leh thupek kenkawh kawngah District Administration - chuan theih ang angin dan palzût si lovin hma a la dawn a ni, a ti. Khawtlang nuam, zalen, ralmuang leh chhenfakawm zawk siam turin sawrkar, khawtlang hruaitute leh mipuite inkarah thawhhona tha tak a awm a tul tiin, Bawrhsap chuan District mipuite  thawhpui zel turin a sawm a ni.

Thutkhawmah hian meeting hmasa an rel tawh- Lawngtlai District chhunga Foreigner - lut leh chhuak  khuahkhirh kawngah khauh zawka hmalak ni se, Ni 1,September, 2026 atanga  raltlan leh foreigner - te tan In luahtir phal tawh loh ni se tih chu kalpui mek tih ngaihthlak a ni a. Hemi atan hian Deputy Commissioner Office lamin thuchhuah siam tawhin,   Hotel leh Homestay-ah pawh khauh zawka endikna kalpui a nih thu ngaihtlak a ni. Lawngtlai District chhungah dik lo taka Certificate pek chhuah a awm tawh loh nan hmalak ni se; Certificate - diklo siam leh pe chhuak thinte man chhuah a, dan anga hrem ni se, Chak leh tha zawka Ruihhlo do kalpui ni se, Lawngtlai District chhungah lirthei chetsualna leh intihpalhna a tlem theih nana  hmalakna September thla chhunga  'No Tolerance Month' hman a nih thu leh Traffice Police leh Enforcement lamte rim taka an duty thin thu ngaihtlak a ni a. Hmalakna tur rel hrang hrangte bawhzui dan a tha thawkhat hle tih pawm tlan a ni.

Kawng hrang hranga hmalakna neihte theih ang anga chhunzawm zel ni se an ti a.  Lawngtlai District-  ah 'Operation Jericho' kalpui a nih leh theih nan District Administration leh NGO-  ten State Sorkar ah ngenna siam ni se an ti bawk a ni.

Thutkhawmah hian  Addl.DC; Project Director (DRDO) Addl.SP; Subsidiary Intelligence Bureau (MHA)Govt. of India, Warrant Officer, Assam Rifles, MJA Lawngtlai aiawh, President, CYLA leh Kumpuan Sub- Committee aiawhte an tel a, Bawrhsap chuan lawmthu sawiin thutkhawm a khar.