No.1583/2021-2022 

Aizawl, the 27^thJuly 2021 : Assam nen ramri chungchangah buaina lian tak a awm avangin Cachar District (Assam) leh Vairengte lam atanga POL, LPG leh essential commodities dangte lakluhna kawngpui chu tun dinhmunah a remchan rih loh avang leh mipuiin harsatna kan tawh loh nan Mizoram Sawrkar hmalakna-in Tripura lam atangin LPG leh POL chawk lut turin IOCL hotute nen Supply Department chuan ruahmanna an siam a. Hemi chungchang leh ruahmanna siam dante chu vawiin khan Director, Food, Civil Supplies & Consumer Affairs chuan President, All Mizoram Petroleum Dealers Association hnenah a hriattir a ni.

He hriattirna ah hian IOCL lamin provisional approval an rawn pek angin POL hi Dharmanagar Oil Depot (IOCL), Tripura atanga chawkluh tur a nih thu te; Dharmanagar to Mizoram via Kanhmun leh Bairabi route pawh mumal taka enfiah niin harsatna awm lo tura ngaih a nih thu te leh Mizoram PWD pawhin he route hi uluk takin an vil reng tih thu te bakah, kalkawng hartsatna  tawk ten phone No.8132813982 (J.E.) emaw 9366220850 (S.A) ah te an harsatna te thlen thei a nih thu te tarlan a ni.

Dharmanagar Oil Depot atanga POL phur turin rang thei ang bera tanker-te tirh chhuah nise tiin Director chuan ngenna a siam a. C-Form nei tan haw lam kal lamah harsatna awm lo turin IOCL official-te biak an nih tawh thu leh C-Form nei lo te chuan tih dan pangngaiin Vairengte Oil Depot-ah challan siam tur a ni tih te chu hriattirna a tarlan a ni bawk.