No.1582/2021-2022
Dated Champhai, the 27th July, 2021: Champhai District Bawrhsap Pi Maria C.T Zuali chuan Director, Food, Civil Supplies & Consumer Affairs, Govt. of Mizoram-in July ni 26, 2021-a POL khuahkhirhna thupek a chhuah bawhzui nan leh, District chhunga sawrkar inrelbawlna hrang hrangte a khaihlak loha, mipuiin harsatna nasa zawk an tawh loh nan inkaihhruaina thupek vawiin khan a siam belh. Filling Station enkawltute chu tha taka zawm theuh turin a hriattir a ni.
Champhai District Bawrhsap thupek chu hetiang hi a ni:
1. Director, FCS&CA-in Petrol/Diesel pek chhuah theih zat tur a bituk ang leh stock awm dan en chungin FCS&CA thupek hi Filling Station ten kenkawh tur a ni.
2. Stock a awm tha rih a nih pawhin harsatna kan tawh mek hian engtia rei nge a daih ang tih ngaihtuah reng chunga renchem tak leh daihzai thei ang bera pek chhuah tur a ni.
3. Essential Commodities phurtu truck/lirtheite chu an challan enin an mamawh ang zat pek theih a ni ang a; chutiang ni lem lo truck pangngaite chu tum khatah litre 30 aia tam pek chhuah loh tur a ni ang.
4. Commercial vehicle dangte hi zin chhuah/veivah phal a la nih chiah loh avangin hmanchawp tur daih chauh pek chhuah ni se.
5. Damlo leh chhiat tawhna lama hmanhmawhthlak bik thilah chuan Filling Station ten tha an tih angin ruahmanna an siam ang.
6. DCSO leh Legal Metrology-ten he ruahmanna hi uluk takin an vil ang.
7. Stock-ah Petrol (MS & XP) litre 4000 leh HSD-ah litre 6000 a nihin DC emaw DCSO emaw hriatpuina leh phalna neite hnenah chauh pek chhuah tur a ni ang a, heng office-a thawk mi dangin phalna hi an lo pe chhuak ve ngawt tur a ni lo ang.
8. Law & order kenkawhna atante, public service hrang hrang i.e tui sem leh tul dang tan litre 2500-3500 vel tal reserve stock dah reng tur a ni ang.
