No.1581/2021-2022

Kolasib dated 27th July 2021: Tukin zing khan Pu Lalchhandama Ralte, School Education Minister, Pu Lalruatkima, Rural Development Minister leh Pu Lalrinsanga Ralte, Serlui bialtu MLA, Vice Chairman, Rubber and Allied Crops Development Board-te chuan Saihapui 'V' a Mizoram Police duty-na hmun tlawhin khawtlang hruaitute nen inkawmna hun an hmang a, bomb puak avanga Saihapui V Primary School hun rei tak rauh san tawh chu ramri hrul a khua awmten tangkai tak a an chhawr chhunzawm theih nana thawm that dan tur a hmunah a enpui nghal bawk a ni.

School Education Minister Pu Lalchhandama Ralte chuan ramri khua tih hmasawn chu Mizoram Sawrkarin a ngaih pawimawh thu sawiin chumi tur chuan Saihapui 'V' Primary School, mi tutih hriat loh ten bomb an tih puah avanga hun rei tak rauhsan tak chu, hetilai hmun a awmten tangkai taka an hman theih nan thawmthat mek a nih thu a sawi a, changtlung zawk a thawmthat dan tur a enpui nghal bawk a ni. Education Minister chuan hrileng avangin zirna in chu khar rih ni mahse, a remchan veleh a zirtirna kalpui nghal a nih theih nan Saihapui V school building bakah Office leh inthiarnate sak that dan tur ruahmanna a siampui nghal a, zirtirtu turte pawh ngaihtuah nghal a nih tur thu a sawi bawk a ni.

Rural Development Minister Pu Lalruatkima chuan Saihapui 'V' IR Duty post-a Mizoram Police duty-te chu a tul apianga hman turin sum fai cheng Singkhat a hlan a, inpekna thinlung nen ramri ven hna chu chhunzawm zel tura chahin Saihapui 'V' leh Phainuam khawtlangte nen tangho thiam a, thawkho zel turin a fuih bawk a ni.

Serlui bialtu MLA Pu Lalrinsanga Ralte chuan Saihapui 'V' chu ramri a khaw pawimawh tak a nih angin tihhmasawnna turin hma lak mek zel a ni a, ramri venna kawngah pawh a khaw mipuite inpekna chu a ropuiin an thawhhlawk thin thu a sawi bawk a ni.