Vawiin hian Mizoram chhung hmun dangte rualin Serchhip Vengchung Unit MUP chuan Zoluti Hall Vengchungah Mizoram Upa Pawl Diamond Jubilee chu ruai nen an lawm.

A lawmna inkhawm hi Pu R. Fangzauva, President MUP Vengchung Uinit chuan a kaihruaia a, Dr. ZD Lalmuanawma, Serchhip District Hospital Medical Superintendent chu khuallian a ni. Khuallian hian kum lama upa zawkte tana sawrkar in inenkawlna ruahmanna hrang hrang a siam sakte leh awlsam zawka hriselna neih theih nana mahni inenkawl dante a sawi a. Kum lama upa zawkte tan District Hospital chu a inhawng em em reng a ni, tiin kalkhawmte a chah. He hunah hian Suh-Headquarters MUP aiawhten thusawina hun an hman bakah Secretary Report ngaihthlak a ni bawk a, zaihona hunte hmangin an hlim hle a ni.

A lawmna inkhawm neih zawh hian Jubilee Lung chu khuallian hian hawnna a nei nghal a, tlai lamah ruai tuihnai tak an kilho nghal a ni.

Vengchung MUP Unit ah hian member 113 an awm mek a, kum kalta chhung khan an member mi 6 an sun a ni.