Vawiin khan National Health Mission leh UNICEF bultumin Lunglei Convention Centre-ah Lunglei District chhunga ASHA-te tan ‘Sensitization Workshop on Special Newborn Care Unit (SNCU) Discharged Infants Follow Up’ buatsaih a ni a. Senior Medical Officer Dr. Lalawmpuia Chhangte chuan workshop hi kaihruaiin, Chief Medical Officer Dr. VLMS Dawngliana chu Khuallian a ni.

Dr. VLMS Dawngliana chuan ASHA ten kan thil tih turah kan chian a ngai tiin, mipuiin an rilru sukthlek thlak a, inentir nachang an hriat theih nan a zirtirtu pawimawh kan ni a ti a. Nu a raipuar tan atanga kan enkawl that chuan ram changkang nih kan hmabak dawn a ni, a ti. Sawrkar hmalakna leh mipuite inkara palai hna thawktu kan nih angin kan mawhphurhna kan hlen a ngai a ti a, anmahni mamawhtute mamawhna an phuhruk theih nan inpekna thar nei theuh turin a duh thu a sawi a ni.

SNCU-a admit naupang hrisel lo zualte damdawiin atanga chhuah (discharged) an nih hnuin an hriselna enkawl zui a ngaih thin avangin Lunglei District huam chhunga ASHA te tan a enkawl zui dan tur zirtirna workshop neih a ni a. He hun hi UNICEF sponsor niin, UNICEF atangin Consultant Dr. Anil MH, State RMNCHA Coordinator leh Dr. Vaibhavrao Patil ten zirtirna an nei a. Dr. Johny Tlau, RCH MO, Lunglei pawhin he hunah hian zirtirna a nei bawk a ni.

Naktuk January ni 18 hian Lunglei District chhunga Medical Officer leh Health Worker te tan workshop buatsaih a ni ve thung ang.