Kum tina an neih thin ‘Hindi Refresher Course ‘ chu ni 15th October atanga 9th November, 2017 chhung khan DIET Aizawl-ah PSTE 3rd Semester zirlai 129 tan Central Institute of Hindi (CIH), Regional Centre, Shillong leh DIET Aizawl tawngkawpin buatsaih chu vawiin khan Prof. Sushil Kumar, Head of Department, MZU-in a khar.

He Refresher course-ah hian zirlai 129 an tel a. Dr. Preeti Acharya, Faculty, CIH Regional Centre Shillong leh Shri Vijay Raghave leh Dr. Birendra Singh, Director, CIH, Shillong ten zirtirna an pe.

He programme hi Pu Rosiamliana Ralte, Vice Principal-in a kaihruai a. Khuallian, Prof. S.K Sharma, H.O.D, Hindi Deptt, MZU chuan, “Hetianga DIET Aizawl leh CIH, Agra leh Regional Centre, Shillong ten Hindi Teacher ni lote tan pawha Hindi kan ram ropui tak tawng zirna kum engemaw zat in lo nei tih ka hriat in lawmawm ka ti. India ram tawngpui chhiar  leh ziak thiam te, sawi thiam te hi India khua leh tui ten kan thiam a pawimawh hle. India hnam hrang hrangin tawng 220 emaw kan hmanga, kan inbiak tawn theih nan Hindi kan thiam a pawimawh a ni” a ti.

Pu Lalnuntluanga Hnamte, Principal, DIET(A) chuan hetiang programme tha, CIH Agra leh CIH Shillong te’n harsatna leh sum tam tak senga an rawn buatsaih thin hi Mizo nula leh tlangval, kan DIET zirlaite in vannei bik em em a ni. Vawiin programme bakah kum lo kal lehzel turah pawh neih zel kan beisei a ni” a ti.

Dr. Preeti Acharya, Faculty, CIH Shillong in lawmthu sawina hun a hmang bawk a ni.