Zirna kalphung thar National Curriculum Framework (NCF) 2005 India ram puma Elementary Education-a hman tur, inhrilhhriatna (orientation) chu tunlai hian DIET Aizawl Lecturer-te chuan ngawrh takin an kalpui mek.
August thla tawp lam khan Sailam, Sialsuk, Hmuifang, Maubuang, Aizawl leh Hlimen ah te M/S leh P/S zirtirtute training an pe a, zan lamah nu leh pa te pualin hun an hmang thin a ni. September 3 - 4 pawh khan SDEO Aizawl East leh West huamchhunga Elecmentary School Headmaster 180 chuangte DIET Aizawl-ah zirtitna pek an ni a. Nimin leh vawiin pawh khan hetiang hun hi Darlawn SDEO huamchhunga te tan neih leh a ni bawk.
