Vawiin February 27, 2009 hian IMPCC Meeting chu I&PR Conference Hall-ah neih a ni a, Pu Zodintluanga, I&PR Minister-in a hmanpui. Tun hi kum tam tak chhunga Minister-in IMPCC Meeting a hmanpui awm chhùn a ni a, member-te pawh an lawm hle. He hunah hian Member-ten tun thla kal meka thupui Kangmei laka inven na thua hma lak dan hrang hrangte an sawiho a ni. Vawiin thlengin Mizoramah ram kang hlauhawm a la awm lova hriat a nih avanga lawm thu an sawi a. A bikin thingtlang lam, kum tina lo vat thinte an lo hal tur thua nasa taka fimkhur tùrin an ngen nawn leh a; lo hal hmain uluk taka meilam tha tak siam theuh tùrin an ngen tak meuh a ni.

 

 

He huna thu sawiin Pu Zodintluanga chuan, “ Hotute duhsaknain I&PR Minister  a chang chu a lawm thu sawiin, he hnaah hian mi thar nimahse, tun hma atangin Media hrang hrang – DDK, AIR, leh Chanchinbu mi tam tak chu a thian tha te an nih avanga tlangnel taka a awm thu leh Media chungchanga fuihna tur hre tam hre lo mahse, Mizorama Information & Public relations te leh Central Media te, Cable leh Print Media hrang hrangte thawhhona that chungchangah lawmthu a sawi a ni. Kangmei venna chungchanga IMPCC te hma lakna pawimawhzia uar taka belhin, tunah hian 2007-a mauam kha nikumah a ro a, tunah chuan a tluksawp tawh avangin a kan palh a hlauhawmzia uar takin a sawi.
        
He Meeting-ah hian AIR Aizawl leh Lunglei, DDK Aizawl te hnathawh dan tlangpui te, tun thl;a kal ta chhunga Ram kang venna thua hmalakna te puanzar a ni a; Agriculture-in lo neitute tana inzirna, Farmers’ Training hlawhtling taka an neih dan te, leh Sorkar Department hrang hrangin hma an lak dan hrang hrangte  tarlan a ni.
        
IMPCC Member kalte chuan tun aiin Sorkar hotu lian, Department hotu lu berten Media lam hman tangkai nachang hre tura an duh thu leh, ram hmasawn na tura Sorkar laipui leh State Sorkar hmalaknaah Media te thawhpui tha deuh deuh tura an duh thu an tarlang nghâl bawk a ni.

Tun March thla thupui atan Kangmei laka invent an thlang leh a ni.  

Hei hian in kang leh ram kang laka mipui kan fimkhur nasatzia a keng  nghâl.
March 24, 2009-ah Environment & Forest Department Confeerence Hall-ah Meeting hi neih leh tura ruahman a ni.