Vawiin khan District Institute of Education and Training (DIET) Champhai leh State Council of Educational Research and Training (SCERT) tangkawp chuan Champhai leh Khawbung Block huamchhunga High School zirtirtu thlan bik te tan nihnih awh tur 'Drug Demand Reduction' Training chu DIET Multipurpose Hall-ah a buatsaih. He hun hi Pu Zoremthara Ralte SDO(Sadar) Champhai chuan khuallian niin a hmanpui a ni.
He hun DIET Champhai Principal Pu R.L.Thianghlima kaihhruaiah hian khuallian Pu Zoremthara Ralte chuan thu sawiin khawvel changkang zelah sualna a pung ve zel a, Damdawi Drugs hlauhawm tak kan hmachhawn mek avangin Naupangte enkawltu leh nitina kaihruaitute tan training chu neih alo tul ta a ni, a ti a. Naupang thang chho leh thil zirlai mekte adolescent period an nih lai a lo enkawltu zirtirtu te chu naupangte nun kawng dik kawhhmuh turin in thawh hlawk ber ang tih hriain sawrkar pawhin in mawhphurhnaah a rawn dah a ni" a ti a. Zirtirtu kalkhawmte chu sualna dova, suahsualna laka naupang nun venghim tur leh an nun kaihruai tura theihtawp chhuah zel turin a chah a ni.
He program-ah hian DIET Lecturer-te chu Resource Person niin High School zirtirtu mi 60 an tel a. August Ni 23-24, 2019 hian Khawzawl BRC Training Hall-ah Khawzawl Education Sub-Division huamchhung a High School zirtirtute tan training hi buatsaih leh a ni ang.
