Vawiin hian DIET Hall, Chaltlang, Aizawl-ah Mizoram State Tobacco Control Society (MSTCS) huaihawtin District Institute of Education and Training (DIET) leh State Council of Educational Research and Training (SCERT)-a thawktu leh zirlaite (trainees) pualin Sensitization Workshop neih a ni a, Pi Lal Riliani, President, Indian Society on Tobacco and Health Mizoram Chapter (ISTH(M)) chu Chief Guest a ni.
Workshop hi Pi Lalsangpuii Sailo DIET Principal in a kaihruai a, Dr. Jane Ralte, State Focal Point, MSTCS in Vaihlo (Tobacco) hnathawh leh a kaihhnawih-ah paper a present a. Pi Vanlalzari, District Coordinator North Mizoram MSTCS in The Control of Tobacco Products Act (COTPA) chungchang zirtirna a pe bawk.
Chief Guest Pi Lal Riliani chuan DIET a awmte chu naupangte chhertu, an damchhunga an dinhmun tur siamsaktu an nih thu hrilhin thusawi dawngtu ni ringawt lova sawi chhawnga hma la theitu an nih avangin an hmaa thu a sawi thei chu vannei a intih thu a sawi a. Hriselna tha, damchhung atan a pawimawh thu sawiin hriselna tel lovin ram hmasawnna a kal chak thei lo a ni a ti. Pi Rii chuan Mizo ten hotea kan ngaih, a loa kan awm theih reng Zuk leh Hmuam hi kan chhiatpui nasa a ni a ti a. Kan duh leh it zawng apiang um mai lovin kan hriselna kan ngaih pawimawh zawk a tulzia thu uar takin a sawi a. Sawrkar hnuaiah Zuk leh Hmuam dona atan dan hrang hrang siam a ni a, heng dan te hi hnawksak titu ni lovin a hlawhtlinna tura thawktu nih tum zawk a tul a ni a ti bawk a ni. Chief Guest hi Rev. Sangkhuma leh Pi Lalbiaksangi Jt. Director (Nursing) ten an tawiawm a ni.
Workshop ah hian DIET, Chaltlang, Aizawl-a staff leh zirlaite an kal tha hle a. Tunah hian DIET, Chaltlang Aizawl ah hian Principal 1, Vice Principal 1, Sr. Lecturer 6, Lecturer 19, Instructor 3 leh Trainees 172 an awm mek a ni.
Chief Guest Pi Lal Riliani chuan DIET a awmte chu naupangte chhertu, an damchhunga an dinhmun tur siamsaktu an nih thu hrilhin thusawi dawngtu ni ringawt lova sawi chhawnga hma la theitu an nih avangin an hmaa thu a sawi thei chu vannei a intih thu a sawi a. Hriselna tha, damchhung atan a pawimawh thu sawiin hriselna tel lovin ram hmasawnna a kal chak thei lo a ni a ti. Pi Rii chuan Mizo ten hotea kan ngaih, a loa kan awm theih reng Zuk leh Hmuam hi kan chhiatpui nasa a ni a ti a. Kan duh leh it zawng apiang um mai lovin kan hriselna kan ngaih pawimawh zawk a tulzia thu uar takin a sawi a. Sawrkar hnuaiah Zuk leh Hmuam dona atan dan hrang hrang siam a ni a, heng dan te hi hnawksak titu ni lovin a hlawhtlinna tura thawktu nih tum zawk a tul a ni a ti bawk a ni. Chief Guest hi Rev. Sangkhuma leh Pi Lalbiaksangi Jt. Director (Nursing) ten an tawiawm a ni.
Workshop ah hian DIET, Chaltlang, Aizawl-a staff leh zirlaite an kal tha hle a. Tunah hian DIET, Chaltlang Aizawl ah hian Principal 1, Vice Principal 1, Sr. Lecturer 6, Lecturer 19, Instructor 3 leh Trainees 172 an awm mek a ni.
