367/2025-2026

Dated Hnahthial, the 29th April, 2025: Vawiin khan District Institute of Education and Training (DIET), Lunglei huaihawtin ni thum awh tur, Hnahthial District chhunga primary sikul zirtirtute tana ziak leh chhiar leh chhiarkawp bulṭhut, an zirlaite hnena zirtir dan tur zir hona,"Training on Foundational Literacy and Numeracy (FLN)" chu DC Conference Hall, Hnahthialah tan a ni.

Training hawnna inkhawm hi DIET Lunglei Lecturer, Pi C. Lalrinzuali, Course Coordinator chuan a kaihruai a. Pu S.Lalthanzuala, Sub-Divisional Education Officer, Hnahthial chuan training buatsaih chhan leh trainee-te fuihna thuchah sawiin DIET Lunglei Lecturer, Pu Vanzama'n lawmthu sawinain hun a khar a ni.

Lunglei leh Hnahthial District-a primary sikul zirtirtute tana FLN training thawh hnihnaah hian sikul 40 aṭangin zirtirtu pakhat ṭheuh koh an ni a. Training hi May ni khat thleng awh tur niin DIET Lungleia lecturer :- Pu Vanzama, Pu C. Lalmuanpuia leh Pi C. Lalrinzuali te'n training hi an pe dawn a ni.