368/2025-2026
Khawzawl, dated 29th April 2025: Vawiin chawhma dar 11 khan Addl. DC Pu Lalfakzuala hovin District Cooperation Development Committee (DCDC) hnuaia Joint Working Committee (JWC) an thukhawm a, Multipurpose Primary Agriculture Credit Society (M-PACS) chungchang an sawiho a ni.
He hunah hian Addl. DC Pu Lalfakzuala chuan M-PACS hi kuthnathawk rethei ber te pawn awlsam taka hna an thawh theihna leh hlawkna an hmuh theihna tur a nihna angin khaw tina a awm theih nan tan lak a tul tih a sawi a. Pi H. Lalhmachhuani, District Development Manager, NABARD Champhai Branch chuan M-PACS din tura inhrilhhriatna hi khaw hrang hranga neih tawh a ni a, din erawh an la tam lo a, tha zawka fuihna leh inhrilhhriatna neih a tul tih an sawi a, khaw thenkhat, dilna thehlut tawh te, farmer hna thawh thatna te leh hmathlir nei tha deuhah te hma lak tan ni se tiin an rel. Khaw hrang hranga cooperative te biak pawha an harsatnaah te tanpuia an zawhna te chhana tul anga hma lak pui an rel a, Village Council (VC) te leh cooperative te koh khawma zirtirna neih an rawt bawk a ni. Addl. DC chuan Khawzawl district hi M-PACS tamna leh hna thawh thatna hmuna siam turin theihtawp chhuaha tha taka thawk ho turin a fuih a ni.
He hunah hian District Cooperation Officer Pu B. Lalhmachhuana, MCAB Branch Manager Pu Michael Lalhriatpuia leh Rabung M-PACS atangin Pu NB Sanga Chhangte te an tel a ni.
