2382/2026-2027

Lunglei, 2026 Mimkut Thla ni 26: Nimin, September ni 25, 2026 (Zirtawpni) khan District Institute of Education & Training (DIET), Lunglei Red Ribbon Club; Mizoram State AIDS Control Society (MSACS); National Health Mission (NHM) leh Doctors Against HIV/AIDS (DAHA) te ṭang ho hma laknain DIET Lunglei Multipurpose Hall-ah HIV/AIDS chungchang inzirtirna leh hriselna dinhmun endikna, "HIV/AIDS Awareness Campaign cum Comprehensive Health Check Up" hlawhtling tak buatsaih a ni.

Doctors Against HIV/AIDS aṭangin Radiation Oncologist Dr James Lalzuitluanga Chawngthu chuan HIV/AIDS chungchanga hriat tur pawimawh hrang hrang a zirtir a. Mobile ICTC (Integrated Counselling & Testing Centre), Lunglei leh DSRC Clinic Lunglei te'n HIV & Syphilis an endik a. OPD inentirna buatsaih ni bawkin, Dr Israel Rodingliana leh Dr Ruby Malsawmtluangi te'n zirlaite hriselna dinhmun an endik nghal a ni.