2448/2026-2027 

Dated: Mamit the 30th of september, 2026: District Institute of Education and Training (DIET) Mamit-in ni 29th leh 30th September, 2026-chhunga Teaching Learning Materials (TLM) MELA-a buatsaih chu vawiin khan Pu Suvigya S Chandra, IAS District Bawrhsap chuan a hmunah a chhim.

He MELA hi Mamit Town Area a school naupangte leh zirtirtute tana buatsaih niin, Central Government School, State Government Middle School, State Government Primary School leh Private English Medium School hrang hrang aṭangin zirlai leh zirtirtu mi 578-in he MELA hi an chhim a ni.

MELA-ah hian subject hrang hrang Science, Mathematics, Social Science, Languange leh ECCE aṭangin counter 41 buatsaih a ni a, heng subject hrang hrang aṭang hian D.El.Ed Trainees ten pawl riat (8) chin hnuai lam zirlaibu aṭangin Teaching Learning Materials for (TLM) an siam a, chung an TLM siam te chu school naupang leh zirtirtu lo kalte hnenah DIET Trainees te hian an teaching aid siam hman dan tur leh ṭangkainate an lo hrilhfiah a ni.

Mela hi nimin khan Pi Lalromawii Lailung, Principal DIET, Mamit kaihruainaa hawn a ni a. Pi H. Lalthanpuii Lecturer, DIET Mamit chuan Objective & Importance of TLM sawi hawnna neiin Pu K. Malsawmhlua Vice Principal, DIET Mamit chuan lawmthu sawina a nei a ni.