4111/2024-2025

Dated: Mamit the 6th of February, 2025 : Vawiin khan Pu C Lalthanmawia,IPS,DIG Northern Range chuan Mamit SP office tlawhin chanchinbu mite inkawmhona hun a neihpui bawk.

Pu C Lalthanmawia chuan police hna chu hna pawimawh tak a nih thu sawiin dan kengkawhtu kan nihna angin entawntlak a hnathawk turin a chah a. Kan hnathawhna hmun hi kan rawngbawlna pulpit a ni a,rintlak leh theihtawp chhuah a kan thawh hi kan tih tur niin hmasawnna lam kawng zawh a thawh a tul thu a sawi bawk.Pu C Lalthanmawia chuan police chu mahni chauh a ding thei kan ni lo a, mipui vantlang, tlawmngaipawl leh chanchinbu mite nen thawhhona tha neih a tul tih sawiin an ni tel lo chuan hmasawnna tak tak a awm theih loh thu a sawi. 

He hunah hian Mamit MJA te nen inkawmhona hun neiin MJA te chuan district harsatna leh police hnen atang a district ralmuan zel nan a tul an tih ang te an thlen. 

Vawiin hun hi Pu Lalpianthanga, Addl SP Mamit chuan a kaihruai a, Pu Pukhraj Gupta,IPS, SP Mamit chuan Mamit police hnathawh tawhte thlirletna hun a nei. 

He hunah hian rukru avanga phone tibo, police in an man te hnenah phone pek letna hun hman a ni a, phone pariat an man chu a neitute hnenah pek let niin hemi kawng a hmalatu CEIR team te hnenah chawimawina certificate pek an ni bawk.