Pu L.H. Shanliana, IPS, DIG Southern Range chuan a hnuaia mi ang hian Lawngtlai District mipuite hriattur thu pawimawh a siam.
Supreme Court of India in a duh angin Mizorama thubuai Court in hrem lohva a chhuah tir (Acquittal Case ) zawng zawng enfiah a, hma thar lak dan ngaihtuah turin Standing Committee for Aizawl & Lunglei chu Chief Secretary, Government of Mizoram in 9.4.2014 khan a din a.
DIG Southern Range chu Mizoram chhim lam District 3 Lunglei, Lawngtlai leh Saiha te lo zirchiangtu Committee Chairman ah ruatin, he Committee ah hian District SP zawng zawng, Public Prosecutor leh Asst. Public Prosecutor, District tin a mi te an tel a ni. Nimin (17.7.2014) khan he Committee hi Chairman Pu L.H. Shanliana, IPS, DIG (SR) hova thukhawmin an hma lak dan tur te an ngaihtuah a, a hnuai a mi ang hian ruahmanna an siam.
Supreme Court in a duh angin thil tisual thubuai siam sak Court ah hrem loh a chhuah an lo nih leh nachhan zawng zawng he Committee hian uluk takin tunhma kum 3 kalta chhunga mi te kha enfiah in a chhan a zawngchhuak ang a, siamthat dan tur sawrkarah rawtna a thehlut ang. Chu mai bakah Case I/O te inthlahdah bik an awma hriat a nih chuan a tul anga hmalak dan a rawt bawk ang. Tin, I/O te tan a tul angin thubuai chhuina tur hmanrua leh training na tur Syllabus thlengin sawrkarah thurawn a pe ang.
