Vawiin chawhma dar 11 khan Champhai Sub.Hqrs YMA office Tlangrawt ah Nirmal Bharat Abhiyan (NBA) leh Total Sanitation Campaign (TSE) PHE Department bul tum in Awareness Campaign on Water & Sanitation neih a ni. Meeting ah hian Science & Environment Committee, SE, PHE leh Tuipui kam ramngaw neitu VC Hmunhmeltha, Tualpui, Ngaizawl, Neihdawn leh Zote te an tel a ni.

Pu Lalrammawia SE PHE chuan ramngaw lo chereu zel tur leh tui hna tam zawk Champhai District chhunga a lo awtn theih nan Village Council kalkhawm te chu an mahni khua theuh ah tan an lak a pawimawh thu sawiin mithiamte chuan Indopui alo chhuak leh anih pawhin ram in chuhna ni lovin tui in chuhna a ni ngei ang an ti a ni tiin PHE Department in tui hna a tlem sawt avanga tui kham khawp a pek theih khua an neih tlem telh tellh thu sawiin a chhan ber chu kan Zotlang ram nuam hi a buar zo tawh in Mizoram a tui a tlem sawt a ni tiin hemi kawnga chhanchhuah dan tur kawng hrang hrangte a sawi bawk a ni.

Pu Rammawia chuan a kum tela ram a ro thu sawiin tun atanga hma kan lak loh chuan thal ah kan lui tui te kang chat in luang tur a awm lo mai dawn a,tumah lo vat suh u tiin, an eizawnna kan tawp tir thei lo,mahse ramngaw reserve kan tu leh fe te tan kan siam uar tur a ni, hei hi kan Zoram, India leh Khawvel in a ngaih pawimawh anih avangin kan zavaia min nghawng thei vek a ni a, kan ram tan hma kan la chho tlang tur a ni tiin VC kalkhawmte chu a sawm a ni.

Pu VL Chuailova ,Champhai DFO pawhin Khawvel in Global Warming a buaipui a, vawt lutuk, lum lutuk kan tuar chho ve mek a, chumi veng tur chuan thing hnah an pawimawh avangin thing kung humhalh a, thing phun uar a tul thu a sawi a.PHE Department ten ram ngaw humhalhna kawnga hma an lak pui na ah lawmthu a sawi.

Pu V.L. Chama Hnamte President Sub Hqrs .YMA pawhin thu sawiin Science & Evironment committee hmalakna chu a fakawm tiin hemi kawnga YMA anga hma an lakna kawng hrang hrang te a sawi a, ram leilung thianghlim nan ruang halna (Crematorium) neih tura hma an lak dan te leh khawchhung thianghlim nana bawlhhlawh paih dan tur kawnga mumal zawka her rem dan tura hma an lak dan te a sawi a. Tui tlan a bawlhhlawh chuan PHE Department tan pawh tui thianghlim sem a harsa a, hmun rem kan nei anih chuan kan compound ah tui dahna tanky tha tak siam a tul thu a sawi bawk.

Pu C. Lalremliana, Chairman Science & Environment committee Champhai District, he campaign kaihruaitu chuan kan khaw chhung tuikhur te hi tui a tlem tawh bakah a bawhhlawh tawh em em a, chuvang chuan thingphun uar leh thianghlimna ngai pawimawh a tul thu sawiin kan theihna leh thiamna hmang tangkai ang tiin kal kalkhawmte chu a ngen a. Science & Environment in an hmalakna hrang hrangte report a pe nghal bawk a ni.

Awareness campaign on water &. sanitation hi nileng a hman a niin chawhnu lamah Tuipui kam ramngaw siam chungchang leh tuipui lui humhalh dan tur te leh a kaihnawih thildangte sawihona neih zui nghal niin a hnuaia mi ang hian hmalak nise tiin resolution an siam.

1) Heng Ramngaw nei khua Hmunhmeltha, Tualpui, Ngaizawl, Neihdawn leh Zote te hian Tuipui leh anmahni khua theuh a tui tl hna tipung turin ramngaw siam a humhalh theuh nise. Mahni ramchhunga ramngaw humhalh/ tih ngaw tur hi tihchian nise. Ramngaw awmsa bakah ramngaw siam meihtur chi ah pawh hmalak nise

2) Tuipui hi mipui tam tak chawmtu, tui tlan ber a nih tak avangin a chunga YMA phalloh thil hmanga man hi khap tlat a ni a. A tilui mante chu an chung action lak zel nise.

3) Hun remchangah VC te hmalakna in ramngaw,tuihna leh nungcha humhalh awareness programme hman nise.