418/2024-2025

LUNGLEI; the 6th, May, 2024: Vawiin chhun dar 12.00 Pm khan Deputy Inspector General of Police (Southern Range) Pu C. Lalthanmawia, IPS chuan a chamber ah Lunglei District a Central Armed Police Forces awm te chu a kawm a, he inkawmna ah hian 20th BN Assam Rifle (Lunglawn), 20th Bn BSF (Zotlang) leh 184th Bn BSF (Melte) a Commandant te tel in thu hrang hrang an sawiho a ni.

DIG (SR) Pu C. Lalthanmawia chuan CAPF te chi Mizo te culture leh kalphung zah thiam sak turin a ngen a, Commandant te chu ramri hrul a buaina tenau awm thin te chu a thlen na khua a khawtlang hruaitute nen a thawkho a inremna kawng zawng thin tur te in a fuih . DIG chuan hnathawhho na kawngah CAPF te leh local Police ten an thu hriat te inhrilh tawn fo a pawimawh zia te sawiin heng kawngah hian local Police te leh an thawhpui (Sister Agencies) te chu thla tin meeting huaihawt a that thu te leh hemi bawhzuina kawngah intihhlimna (Sports Event) te pawh a khat tawka neih a that a rin thu a sawi bawk.

Hemi bakah hian DIG (SR) Pu C. Lalthanmawia chuan CAPF ho ten mahni thu a local Police te hrilh hre hmasa lo a operation nei mai thin lo turin a chah a, hei hi chu kalhmang diklo a nih thu a sawi a ni. AR, BSF, Local Police, Excise & Narcotics leh Forest Department leh Department dangte pawh a tul ang zel a thawkho a joint operation te neih ni thei se a duh thu DIG chuan a sawi. Force mi leh sa lakah OC/SHO ten awlsam taka FIR thehlut mai lo a, an Commanding Officer te hnenah hrilhhriat hmasak thin nise tih te chu an thu rel zing ah a tel a ni.