Vawiin khan Mizoram DGP thar Pu Balaji Srivastava chuan, MPRO hmun thlawhin, thawktute nen inkawmna hun tha tak an nei.
DGP hian a hna a zawm atanga thla khat lek chhungin Police unit hrang hrang 7 (pasarih) tlawh chhuak der tawh a, a staff te a ngaipawimawhin an harsatna te a hmun ngeiah a enfiah nghal zel. Harsatna sutkian nghal theih apiang a chinfel sak nghal in Staff te ngainat a hlawh nghal hle. Mizoram Police in hmel thar pu in rahbi thar a chuangkai mek niin Police te chuan an hria a, an lawmin an phur thar hle a ni.
DGP hian police te chu mipui te tana inhumhimna, tanpuitu leh thlamuantu an nih ang taka an rawngbawlsak mipui te ngaipawimawh hle turin a chah a. Mipui te thian ni tura a tul anga insiam tha zel tur leh Zu leh ruihtheih thil dang bawiha tang mekte chhanchhuah hna ngawrhtaka thawk turin SP leh Commandant te a chah bawk a ni.
