Vawiin khan Baptist Higher Secondary School, Serkawn Lunglei-ah cheng 20,21,360 senga Digital Classroom leh Table Tennis Hall sak chu Lunglei HPC Vice Chairman Pu.S.Laldingliana'n a hawng.

Hawnna inkhawm BHSS Principal Pu.C.Lalhmingmuana kaihhruaiah Pu S.Laldingliana chuan thu sawiin BHSS tan chuan hmasawnna rahbi thar ani a, BHSS hi zirna lamah chuan an hming thain sawi pawh an hlawh hle a ni, a ti. Amah ngei pawh he School atanga kum 1974 khan matric a pass thu tarlangin zirtirtute inpekna leh an zirtirna dante a chhuanawm hle a, mi ropui leh officer tam tak chherchhuaktu an ni a, Junior section zirlaite enkawl dan phei chu a that hlea a hriat thu a sawi a. Vawiina hawn tak Digital Classroom leh Table Tennis Hall te hi zirlaiten tangkai taka hmang turin duhsak a hlan a, School hmasawn nan theihtawp a chhuah tur thu a sawi experience tam tak a neih thu a sawi bawk.

Pu.Lalrinmawia, Vice Principal in technical report pein Digital Class Room leh Table Tennis Hall sak nan hian Pu S.Laldingliana'n HPC Fund atangin cheng 11,50,000 a pek bakah BHSS School chuan cheng 8,71,360/- a tum a; Building thar hi chhawng hnih a sak a ni tih a tarlang.