e-District, DC Office Kolasib leh Department of ICT bultumin vawiin khan DC Conference Hall-ah “Training on Digital Financial Inclusion” Village Level Enterpreneur (VLE) (Common Service Centre) te tan buatsaih a ni.

Training hi Pu Lalmawizuala Ralte, District Manager (e-Governance), Kolasib chuan kaihhruaiin, Pu Mark Lalthanliana SDO(S), Kolasib in a hmanpui a ni. Training ah hian Pu Lalnunzama, District manager (e-Governance) leh Pu Lalmawizuala Ralte, District Manager (e-Governance) ten training an pe a ni.

Training-ah hian tunlaia Sorkar laipuiin a ngaihpawimawh Cashless Transection pawimawhna leh VLE te mawhphurna zirtirna neih a nia. Cashless Transaction tih theih dan kawng hrang hrang heng Unified Payment Interface (UPI), Aadhaar Enabled Payment System (AEPS), Unstructured Supplementary Service Data (USSD), Mobile Wallets, QR Code, Point of Sale (POS) te zirhona leh sawihona neih nghal a ni.

VLE (Common Service Centre) te hi awlsam zawk a mipui ten Sawrkar Office te, mahni veng leh khua a an dawr theihna tura Ministry of IT, Government of India ruahmanna hnuai ah khaw hrang hrang a an din a ni a. Digital India Programme hnuaia cashless society dinna tur a hmalakna ah pawh hian heng VLE te hi an pawimawhin an mahni khua ah theuh cashless transaction hi kalpuia mipui te dawr theih tur a ruahmanna neih chhoh mek ani.