Vawiin khan D.C Conference Hall, Mamit ah Digital Financial Inclusion Training ni khat awh neih a ni a. He hun hi Pi Lalbiaksangi District Bawrhsap chuan a hmanpui.
He training ah hian District Bawrhsap chuan Mamit District ah pawh sawrkar laipui hmalakna hrang hrangte chak taka kalpui zel a ni a, inbiakpawhna duhthusama a that loh avanga hnathawh zung zung a harsat chang a awm thin chu pawi a tih thu sawiin tun atanga hun reilote ah sawrkar laipui hmalakna cashless/digital programme pawh Mamit District mipuiin an chhawr tangkai ngei a beisei thu a sawi a, Mamit District chhunga sawrkar hmalakna hrang hrang sawiin vawiin a training tura kalkhawmte chu hlawk taka an thil zirte hmang tangkai turin duhsakna a hlan a ni.
Pu Lalremmawia, Manager, e-District, Mamit chuan Power Point Presentation hmang in kalkhawmte zirtirna a pe a. Mamit District chhunga Common Service Centre (CSC) a thawktute bakah Mamit District Thalai Pawl member engemaw zat an tel a ni.
