4557/2024-2025

Dated: Mamit the 6th of March, 2025: Vawiin chawhnu dar 1 khan DC Conference Hall, Mamit-ah Digital India Common Service Centre (DICSC) hawnna Pu K Laltlawmlova, District Bawrhsap kaihhruiana hnuaia neih a ni. DICSC hi India ram pumah district thlan bik 10 ah hawn a ni a, Mamit district chu Hmar-Chhak state a thlan awmchhun a ni. DICSC hi Ministry of Electronics & Information Technology(MEITY) hnuaia pilot project a ni.

Pu K Laltlawmlova chuan he hun tluang tak neih a ni chu lawmawm a tih thu a sawi a, Mamit district he project atana thlan chhuah a ni chu a ropui a tih thu sawiin mipuiten tangkai tak a an hman ngei theihnan theihtawp chhuah turin vawiin lo kal te chu a fuih bawk.

He hawnna hunah hian Pu Md Azeezuddin, Principal Consultant- CSC Scheme chuan Mamit district thlan a ni chu lawmawm a tih thu a sawi a, service tha zawk mipuite tana chhawp chhuah zel tumin hmasawn a tul thu a sawi. Pu Md Azeezzuddin chuan he project in a tum pakhat chú mipuiten awlsam zawk a service dawn hi a ni a,thingtlang kilkhawr tak tak te pawh in a awlsam tak a hamthatna an hriat a an dawn hi a tum pawimawh tak a ni a ti. Tin DICSC in a tum dang chú eizawnna changtlung tak siam hi a ni a, chumi avang chuan centre awmna khua ngei ami eizawnna pek hi a ni a ti bawk.

Vawiin hunah hian DICSC in a tum tlangpui leh CSC hnuaia hmalak tawh dan te thlir ho a ni a, Pu Amitabh Kumar, Vice President, CSC e- Governance Services India Limited , officials dangte leh CSC hnuaia hnathawk te an tel.