4556/2024-2025

Dated: Mamit the 6th of March, 2025: Vawiin chawhma dar 11 khan Chhim Veng YMA Hall, Mamit-ah Khawvel huap Hmeichhiate Ni (International Women’s Day) leh BBBP Kum 10 tlin lawmna hun hman a ni a, Pu K Laltlawmlova, District Bawrhsap chu Khuallian niin hun a hmanpui. 

Pu K Laltlawmlova chuan sawrkarin a tum leh ram hmasawnna atan a ngaihpawimawh berte zinga mi chu hmeichhia te dawmkan hi a ni a, Sawrkar laipui atang a schemes tam tak hi hmeichhiate hamthatna atan siam a ni a ti a. Bawrhsap  chuan Mizo te kan vanneihna chu hmeichhia leh mipa te dinhmun inthlauhna tam lo hi a ni a ti a, Sawrkar hna emaw sumdawn lamah nise hmeichhia te hi an chungnung zawk thu sawiin inchhung enkawl leh chhungkaw enkawlna a an thawhna chu enhmaih chi a nih loh thu a sawi. Niti Aayog in a hmeichhia te hamthatna atan a hma a lakna Women Entrepreneur Platform(WEP) a in register ngei turin District Bawrhsap chuan a chah a, hmasawnna a neihna atan a pawimawh thu a sawi bawk.

Vawiin hun hi Pi VL Remruati Hmar, DMC, DHEW chuan a kaihruai a, Pi K Lalrinmawii, Petroleum Engineer leh Pi Lalsawmliani, term ruk VC member -Dapchhuah hnenah chawimawina pek an ni. He hun hi  Pi Carolyn LB Khiangte, Addl DC Mamit leh officials dangten an hmanpui a ni.