3662/2022-2023

Dated Serchhip, the 23rd February, 2023: Vawiin khan District Mission Management Unit (DMMU) bultumin Minisitry of Rural Development hnuaia programme kalpui mek pakhat National Campaign on Promoting Digital Transactions at Panchayat Level (Digital hmanga indawr tawnna) chungchang inzirtirna leh Serchhip District huap Campaign hawnna Keitumah buatsaih a ni.

He hun hi Keitum BNRGSK Hall ah buatsaih niin Pu Stephen Laltlansanga Auhmun, Asst. Rural Development Officer(ARDO) Serchhipin kaihhruaiin, Pu Malsawmtluanga, MCS, Project Director, (District Mission Director) DRDO ,Serchhip chuan a hawng a. Thusawiin Pu Malsawmtluanga chuan, pawisa fai tel lova thil lei leh hralh leh insumdawn tawnna te lehkha hmang tlem zawnga kal chu India Prime Minister zahawmtak Pu Narendra Modia’n a ngaih pawimawh thu sawiin, hun rei tak atang tawhin India ram hmun hrang hrangah kalpui tan a lo nih tawh thu a sawi a. Mipuiten sum leh hun senga Bank a kal kher lova Online Digitals Transtraction hrang hrang hmanga indawr hi a awlsamin a rintlak hle a ni. Serchhip District chhung khaw hrang hrang nu hote pawhin tangkai taka an hman thiam ve vek theih thil, awlsamna nasa tak min petu tur a ni, a ti.

Pu Vanlalmuanpuia, Bapui, District Functional Specialist, DMMU, Serchhip chuan Digital Transtraction awmzia leh nihphung tlangpui sawiin District chhung khaw hrang hrang atanga SHG member kalkhawmte chu an thil zir theuhte midangte zirtir zel tur leh a hmang uar hmasatu ni turin a fuih chah a ni.

Pu T Lalrinchhana, Branch Manager, MRB, Bungtlang hnen atangin Internet & Mobile Banking nihphung leh a hman tangkai dan te, a hmangtute hriat tel tur dan pawimawh te leh Social Assistant hlutna leh thatna awm hrang hrangte ngaihthlak a ni bawk.

Digital Transtraction inzirtirna hi tun thla February ni 1 atanga tanin kumin August ni 15 thleng National Rural Livelihood Missions hnuaia khaw thlan bikah te neih tur a ni. Vawiina District Level hawnnaah hian Serchhip leh East Lungdar RD Block huamchhunga Self Help Group(SHG) members te leh Keitum VC Member te an tel a ni.

Attachment

  • Loading attachment...