3661/2022-2023

Mamit 23rd February, 2023 : Vawiin khan DC Conference Hall, Mamit-ah Artificial Limbs Manufacturing Corporation of India (ALIMCO) -RMC, Guwahati, CSR (REC) hnuai atanga dawn rualbanlote tana hmanraw tangkai tur hrang hrang Pu Lalnunhlua, Mamit District Bawrhsap chuan a sem chhuak.

Mamit District Bawrhsap chuan ALIMCO-RMC, Guwahati te'n thil hlu tak mai Mamit District tana an rawn pe chu lawmawm a tih thu sawiin DC anihna ang leh Mamit District chhunga rualbanlote aiawhin Pathian leh ALIMCO CSR (REC) te hnenah lawmthu a sawi.

He hunah hian Wheel Chair, Hearing Aid leh Walking Stable leh adangte, Reiek Block-ah mi 26, Zawlnuam Block-ah mi 23 leh W. Phaileng Block chhunga mi 22, an vaiin Beneficiaries mi 71 te hnenah sem chhuah a ni a. Bungraw sem chhuah hlut zawng hi ?5, 35,858/- a ni.

Heng thilpek dawngtute hi nikum December, 2022 a endikna neih hnu-a dawng tura thlanchhuahte an ni.

He hun hi Pi Sapliannguri, Superintendent, DC Office, Mamit-in kaihruaiin Pu Lalfakzuala, Addl. DC, Mamit chuan report a pe a. ALIMCO aiawh atangin thusawi ngaihthlak a ni bawk.