DIG (Southern Range), Lunglei Pu L.H. Shanliana hovin vawiin khan Lunglei SP Conference Hall-ah ni 2 awh tur DIG (SR) Crime Conference neih tan a ni a. He Crime Conference-ah hian District 3 - Lunglei, Saiha leh Lawngtlai - atangin OC, SDPO, Addl. SP leh SP zawng zawng, CO, Dy. CO 2nd MAP bakah Lunglei Town chhunga ASI leh Inspector zawng zawng an tel a ni.

Crime Conference hawnna inkhawmah hian DIG(SR) Pu LH Shanliana chuan Police Officer kalkhawmte chu an thawhrimnaah lawmthu hrilhin mipuite himna tur leh Dan kenkawhna lamah tha lehzuala hma la turin a fuih a ni. District tina SP-te chu anmahni enkawl Police Station leh an bial chhunga khuate tlawh tamturina hrilh a, midangte angin hnaah inthlahdah theih miah lo leh engtiklai pawha mipuite thlamuan tura thawk an ni tih hre rengturina chah a ni. Mizoram-ah zu khapna dan thlahdul a nih pawhin police-te chu zu leh ruihlo lakah fihlim tur an ni a, fihlim lote chungah Dan lek a nih theih thu a hrilh bawk a ni. DIG(SR) chuan a tlangpui thuin heng District 3-ah Dan leh Thupek kenkawhnaah leh pawikhawih thunun leh chhuina hna lamah police-te chu an thawk tha thawkhat hlea a hriat thu a sawi a. Crime dinhmun, infrastructure dinhmun, fund dinhmun leh thil dang pawimawh chungchangah DIG(SR) hian powerpoint presentation hun a hmang bawk a ni.

DIG(SR) huamchhungah Police leh Crime dinhmun chu hetiang hi a ni :

I Police dinhmun :

II.Crime dinhmun :

Kum 2012-2013 chhunga District pathuma Case register zat -

Vawiina Crime Conference-a Souhtern Range huamchhunga Police dinhmun tarlan langsar zual zingah DIG(SR) hnuaiah Police Quarter nei chu 24.08% a ni a, District 3-te chawhrualin mi 208.19 zelah Police 1 awm ang a ni bawk a. Chawhrualin kum 3 kalta chhung khan Lunglei District-ah thla tin 18.83 ziahluh a ni a, Lawngtlai District-ah thla tin case 8.52 leh saiha District-ah thla tin 6.27 ziahluh a ni. Kum 3 kalta chhung khan Lunglei PS-ah chawhrualin kum tin case 179 ziahluh a nih laiin Lawngtlai District-a Borapansury PS-ah chuan kum 3 kalta chhung khan case pakhat mah ziah a ni lo thung. Police Station 4 - Thingsai, Bunghmun, Phura leh Vasei - ah hian kum 2012-2013 chhung khan chawhrualin kum khatah case 1.66,2.66, 3.66 leh 4.66 ziahluh a ni bawk.

Crime Conference-ah hian Police hna kaihhnawih thlanchhuah bik 5 chungchangah Pu BK Singh, IPS; Pu RP Meena, IPS; Lalthangpuii Pulamte, MPS; Dr.VJ Chandran, IPS; Stephen Lalrinawma, MPS ten presentation an nei a ni.