Zoram Taxi Owners Association (ZTOA) hruaitute chuan vawiin chhun khan Transport Minister Pu John Rotluangliana ama office ah hmuin thil pawimawh leh tul hrang hrang nia an hriat te an sawipui.

Transport Minister chuan Aizawl khawpui kawngpui chep lutuk sutkianna chi khat atan Taxi intlanchhawk tir leh dan remchang a awm leh awm loh thu ah ZTOA hruaitute hi a rawn a. Vawiinah hian khawpui chhung lirthei tlandan enkawl traffic management hi Transport department atangin Home department kut a dah rawtna te a awm tawh thu sawichhuakin helam kawngah hian Taxi neitute a khalhtute nen zau zawka inrawnkhawm a tul dan te pawh an sawilang a ni.

Vawiin inrawnkhawmna hunah hian Transport Minister hi Transport Secretary Pu Lalhmachhuana; Transport Director Pi Lalzarmawii; SP Traffic Pu Lallianmawia ten an tawiawm a ni.