Vawiin khan I&PR Director, Pu David L.Thangliana chuan a Office Chamber-ah MJA hruaitu thlan tharte a kawm a, President Pu Zonunsanga Khiangte leh Office Bearers te bakah Executive Members te an tel kim hle.

Pu David L.Thangliana, MIS, DIPR chuan MJA hruaitu thlan tharte chu lawmpuina a hlan a, thawh hona tha leh hrisel tak an neih mek chu vawng nung zel tura chahin kawng engkimah infinchhuah tawn thin turin a sawm a, sawrkar thachhang dawl kawngah pawh rinawm taka thawhhopuiah sawmin a tul huna sawrkar pawh thurawn petu ni zel turin a chah a ni.

Pu Zonunsanga Khiangte, President, MJA chuan I&PR Department in nu leh pa nih tling taka an enkawl thinnaah lawmthu a sawi a, MJA chuan nu leh pa thuawih tak nih an tum zel dawn a, a tul hunah chuan ngenngawl tak leh inthlahrung lovin a puihna pawh a dil zel dawn a ni, a ti a. Ram leh mipui rawngbawltu tha tak nih zel hi kan tum tur a ni a ti.

Department in site visit a buatsaih thin te leh MJWS chungchangte he hunah hian sawiho a ni bawk a ni.