Vawiin chawhnu dar 1:00 khan Pi K.Laldingliani DIPRO Champhai chuan Chanchinbumite a office a lengah sawmin inkawmna hun tha tak an nei. DIPRO chuan kum 10 chuang a sur a sa hnuaiah lungrual taka thawk hovin, sawrkar leh mipui tana thu puanchhuahna leh kawng hrang hrang a theihtawp chhuaha an thawh hona kawngah lawmthu a sawi.
Thangkhat lian zet kalta a l&PR office dinhmun chungchang sawiin DIPRO chuan an office in hmasawnna tam tak an neih leh an thawhna kawnga thlawp tlattu chu Chanchinbu mite anni tiin, hun lo la kal zel turah pawh hetiang zela an thawh ho a beisei thu sawiin sorkar hmalakna pawimawh tak NLUP ah te pawh puibawm zel turin a sawm. Chanchinbumite tana sorkar in hamthatna tur a buaipui mek leh a hlawhtlinna te sawi langin hun harsa leh thim an tawk a nih pawh in beidawng mai lo turin a ngen bawk a ni.
He hunah hian Pu Lalhmingmawia Pachuau leh Pu Lalhlupuia Editor Lenrual te pawh in thu pawimawh tak tak an sawi a, internet that loh vanga Champhai District chhunga thil thleng pawimawh tak tak District dang te thlir tura an thawn theih loh vanga an harsatna leh thil dang pawimawh tak tak te sawiin hun tha tak an hmang ho a ni.
