Vawiin chhun dar 12:30 khan Pu K. Saitluanga, MIS, District Information & Public Relations Officer, Serchhip chuan Mizoram Journalist Association, Serchhip District memberte chu a pisa-ah kum thar thingpui in hona leh inkawm hona a neih pui.

DIPRO chuan kum kalta lamahte MJA te nen thawh hona tha tak an neih thin chu lawmawm a tih thu a sawi a, hun kal zel turah pawh a hma aia thaa tawh hona an neih zel theih a beisei thu a sawi a. Pu David L. Thangliana, MIS, Director, I&PR aiawhin chibai a buk bawk a ni.

Kum kaltaa I&PR Department hmalakna tlangpui sawiin, MJA memberte State chhung leh pawna Tour neihpui an ni theite chu lawmawm a ti a. Kum thar tirah pawh Tour buatsaih leh nghal anih tur thu a sawi bawk. MJA Serchhip tana Press Club sakna turin Health Department ram hman hawh tur chu tih fel tawh anih bakah Club Building sakna tur Rs. 10 Lakh pawh pek fel anih tawh thu a sawi bawk a ni.

Pu C. Ramengmawia, President, MJA pawhin thu sawiin, DIPRO kaihhruaina hnuaia tha taka hna an thawk tlang thei chu lawmawm a tih thu a sawi a. An kal zelna turah department tlawpna an mamawh thu sawiin, thawh hona tha tak an neih chhunzawm zel a beisei thu a sawi.

He hunah hian MJA Serchhip District memberte an tel tha hle a ni.